Mae Mapiau Degwm ar gael nawr ar ein gwefan!

Efallai y bydd rhai o’n hymwelwyr rheolaidd â’n gwefan wedi sylwi ar ychwanegiad newydd at ein syllwr map ar-lein – Haen Map Degwm newydd wedi’i chreu gan Lyfrgell Genedlaethol Cymru yn ystod Prosiect Cynefin. Tydi hi erioed wedi bod mor hawdd i ddod o hyd i fan o ddiddordeb ar fap degwm!

Gallwch gael mynediad at Haen Map y Degwm drwy ddilyn y camau syml hyn-

1. Ewch i’n prif wefan a dewiswch Mapiau o’r ddewislen uchaf

2. Bydd y syllwr map yn agor fel y gwelir isod

3. Rhowch eich cyrchwr dros gongl uchaf ochr dde eich sgrin nes bod y ddewislen haenau’n ymddangos, ac yna ewch i Mapiau Degwm, symudwch y llithrydd i’r dde i ddewis yr haen hon

4. Bydd y syllwr yn newid i fod yn droshaen dros fapiau degwm Cymru, fel y gwelir isod. Gallwch yna chwyddo’r ardal y mae gennych ddiddordeb ynddi.

5. Neu gallwch ddod o hyd i fan o ddiddordeb wrth edrych arni fel lloeren fodern yn gyntaf, ac yna newid yr haen. Gallwch ddefnyddio’r offeryn pylu i symud o’r map lloeren fodern i’r map degwm i ddangos newid dros amser.

Mae angen JavaScript ar y sioe sleidiau hon.

Nid yw’r Haen Map Degwm yn cynnwys manylion y rhaniad ar ein gwefan, ond gallwch weld y rhain drwy fynd i wefan Lleoedd.Llyfrgell.Cymru y Llyfrgell Genedlaethol, neu drwy ddefnyddio’r copi microffilm yn ein swyddfa.

Rhowch gynnig arni a dywedwch beth rydych yn ei feddwl wrthym!